Twalilileni Ukumwenamo mu Kubelenga Ulupungu lwa kwa Kalinda na Loleni!

Apo nomba ukulembesha bamagazini ba Ulupungu lwa kwa kalinda na Loleni! kulepwa, tulingile ukupoosako amano pa kushininkisha ukuti ifwe, e lyo na bo tushimikila tatupushilwe magazini nelyo umo.

Bamagazini Besu: Ukulembesha kwenu nga kwapwa, lundeniko impendwa ya bamagazini mwalembesha ku cilonganino. Abafyashi bafwile ukuorda bamagazini abengi pa kuti onse uwaba mu lupwa lwabo aikwatila magazini wakwe. Ukulembapo ishina kukamulenga ukukanashalika magazini wenu mwi bala mu kukanaishiba. Nga mwapokelela bamagazini abapya, munyina asakamana bamagazini akaleta imisango yonse iya bamagazini bapokelelwe mu kwangufyanya pa Ng’anda ya Bufumu.

Aba Kutwalila Bamagazini: Bakasabankanya bafwile ukwesha ukusanga aba kutwalila bamagazini abafwaisha ukupokelela onse magazini uwafuma. Ukutwala fwe bene bamagazini ku ba musango yo kuti kwatupeela ishuko lya kutendeka amasambililo ya Baibolo.—Moneni Ubutumikishi Bwesu Ubwa Bufumu, October 1998, ibula 8.

Abalekabila Ukwafwa Kwaibela: Nga umo alefwaisha sana ukusambilila nomba ekala ku cifulo icishishimikilwamo libili libili, uyu ena kuti mwamuteyanishisha bwino pa kuti engalembesha no kulapokelela bamagazini bakwe mu melu. Nga ca kutila umuntu ekala mu cifulo umo icilonganino cishimikila nomba tabela mupepi na kuntu mutwala bamagazini lelo alefwaisha ukulapokelela bamagazini, lanshanyeni uyu mulandu na baba muli Komiti wa Mulimo uwa Cilonganino. Nga basuminisha, kuti alembeshiwa. Amaformu ya lyonse aya kulembeseshapo (M-1 na M-101) kuti yabomfiwa kuli uyu mulimo.

Tulecetekela ukuti Yehova akapaala ukubombesha kwesu konse ukwa kusabankanya Ubufumu ukupitila mu Ulupungu lwa kwa Kalinda na Loleni!