Ifya Kulanda Pali Bamagazini

Ulupungu lwa kwa Kalinda June 15

“Bushe muletontonkanya ukuti aya mafya yakapwa? [Belengeni amashiwi ya kubalilapo ayambwilwe mu cipande ca kubalilapo, kabili lekeni basuke.] Icebo ca kwa Lesa icapuutwamo citulaya ukuti aya mafya yakapwa nomba line. [Belengeni Amalumbo 72:12-14.] Ulu Ulupungu lwa kwa Kalinda lulelondolola ifyo aya mafya yakapwishishiwa.”

Loleni! Apr.-Jun.

“Ukutula apo yatendekele ukupangwa muli ba1800, abantu balibomfya incinga mu ncende ishingi. Bushe abacofa incinga kuti bacingililwa shani mu fyalo ne ncende umwafula bamotoka? Bushe ukucofa incinga kuti kwawama ku mubili wenu? Icipande cili muli uyu Loleni! cilepeela ubwasuko.”

Ulupungu lwa kwa Kalinda July 1

“Imintapendwa ya bantu balabomfya ifimpashanya ne ifikope mu kupepa kwabo, lelo bambi na bo abengi batontonkanya ukuti ico calilubana. Bushe mwalitontonkanyapo ifyo Lesa amona uyu mulandu? [Lekeni basuke. Lyene belengeni Yohane 4:24.] Ifi fipande filelanga ukwatuntwike ukubomfya ifikope na fintu Baibolo ilandapo pa kupepa ifimpashanya.”

Loleni! Apr.-Jun.

“Ukufufiwa utulo kwalikuma imishobo yonse mu calo conse. Cinshi cilenga ukufufiwa utulo? Nga ca kutila na imwe e bwafya mwakwata, bushe cinshi mwingacita ku kupwisha ubu bwafya? Ndefwaya mushiile uyu Loleni! uukwete icipande cilelanda pali ubu bwafya.”