Ifya Kulanda Pali Bamagazini

Ulupungu lwa kwa Kalinda June 15

“Bushe muletontonkanya ukuti kuti twaba ne nsansa ilyo tuli na mafya? [Lekeni basuke.] Uyu magazini aletweba ukwingafuma ubwafwilisho pa kuti twishibe ifya kucita ku mafya tukwata. Muli iyi yine magazini nabalandamo ne fyo isubilo lya cine cine lingatukosha.” Belengeni Ukusokolola 21:3, 4.

Loleni Apr.–Jun.

“Apo ukukota kulaleta amafya ayalenga bamo balafilwa ifya kucita, Bushe pali ico twingacita pa kuti amafya ya mu bukalamba yabeko eyefilya? [Lekeni basuke. Lyena belengeni Amalumbo 71:18.] Iyi magazini ilelanda pa fyo tufwile ukumona ukukota, ukuti ni nshita ya kumona ifyo twabomba no kufundako bambi ifyo twaishiba.”

Ulupungu lwa kwa Kalinda July 1

“Muli ici calo umwafula ukucula, abantu abengi balepusha ukuti: ‘Mulandu nshi ukucula kwafulile fi? Nga ca kutila Lesa e ko aba, cinshi ashafumishapo ukucula?’ Bushe mwalitontonkanyapo umulandu ukucula kwafulile fi no mulandu Lesa ashakufumishapo? [Lekeni basuke.] Uyu magazini aletweba bwino ifyasuko fya mu Baibolo kuli ifi fipusho.” Belengeni 2 Timote 3:16.

Loleni Apr.–Jun.

“Pali lelo abantu abalekanalekana baishiba ifyalekanalekana pali Yesu. Bushe imwe mutila Yesu nani? [Lekeni basuke.] Iyi magazini ilelanda pali Yesu: Bushe nani, kabili mulimo nshi abomba mu mitantikile ya kwa Lesa? Iletweba na mapaalo twingakwata nga twamutetekela no kukonka ifyo asambilishe.”−Belengeni Yohane 3:18.