Ifya Kulanda Pali Bamagazini

Ulupungu lwa kwa Kalinda June 1

“Bushe muletontonkanya ukuti Lesa alitemwa imipepele yonse? [Lekeni basuke.] Kuti cawama ukumfwa ifyo Lesa alandile ilyo abena Israele ba ku kale batendeke ukukonkelesha ifyalecita abantu bambi abali mu mipepele imbi. [Belengeni Esekiele 6:6.] Ili lyashi nalyasuka ici cipusho ca kuti, ‘Bushe Tulingile Ukupepa Lesa mu Nshila Iili Yonse iyo Tulefwaya?’” Balangeni ilyashi ilitendekele pe bula 9.

Loleni Apr.–June

“Abantu abengi batila calikosa ukukonka ifyo Baibolo ilanda. Bushe na imwe e fyo mutontonkanya? [Lekeni basuke.] Moneni ifyo ici cikomo cilanda. [Belengeni 2 Timote 2:3.] Iyi magazini ilelanda pa mafya ayabako umuntu nga alefwaya ukwaluka no kuba “umushilika wa kwa Kristu” ne fyo enganonkelamo nga acita ifyo.”

Ulupungu lwa kwa Kalinda July 1

“Ifwe bonse tulaba no bulanda uo twatemwa nga afwa. Nga caba ifyo, bushe muletontonkanya ukuti Baibolo kuti yatwafwa? [Lekeni basuke. Lyena belengeni Amalumbo 55:22.] Iyi magazini ilelanda pa kufunda kumo kumo ukwaba mu Baibolo ukwingatwafwa.”

Loleni Apr.–June

“Nga twalilwala amalwele ayashipola nelyo twalilemana, nalimo abantu bambi e bengalatucitila ifyo tulekabila. Nomba tutile ni fwe twalwala nelyo ni fwe twalemana nangu ni lupwa lwesu e walwala nangu e walemana, bushe finshi twingacita? [Lekeni basuke.] Ici cipande cilelangilila ifyo twingacita pa kuti tatuli sana no bulanda nga ni fwe twalwala nangu ukulemana, kabili cilelanga ne fyo twingaba ne nkumbu ku bantu bambi abalwala no kulemana.” Belengeni Marko 1:41.