Ifya Kulanda Pali Bamagazini

Ulupungu lwa kwa Kalinda Feb. 15

“Abantu bamo balatwishika nga kwaliba Lesa uwaba muntu icine cine. Bambi batila e ko aba lelo bamona kwati alibataluka sana. Bushe e fyo mumona? [Lekeni basuke.] Moneni umulandu cacindamina ukwishibila Lesa bwino. [Belengeni Yohane 17:3.] Pali ci, mwalatemwa ifipande fya kubalilapo muli uyu magazini.”

Loleni! Jan.–Mar.

“Ubusesemo bwa mu Baibolo bulangilila ukuti inshita ilesa ilyo takwakabe uukasosa ati, ‘Nindwala.’ [Belengeni Esaya 33:24.] Bushe ico tacakawame nga nshi? [Lekeni basuke.] Lelo, ndakai abantu balacula na malwele ayengi, ukubikapo fye ne cikuko ca AIDS. Uyu Loleni! alasuka icipusho ca kuti, Bushe AIDS ikatala aipwa?”

Ulupungu lwa kwa Kalinda Mar. 1

“Kuti twatemwa ukuumfwa ifyo mwingalandapo pali ili lembo. [Belengeni Mateo 5:10.] Umuntu kuti aba shani uwa nsansa lintu alepakaswa? [Lekeni basuke.] Ifipande fya kubalilapo fibili muli uno magazini filelanda pali bamo abatwalilile ukuba ne nsansa te mulandu ne fyo bapakeswe. Mwalatemwa ukubelenga ifyo bacitile co.”

Loleni! Jan.–Mar.

“Pali lelo cilemoneka kwati indupwa sha bafyashi abashimbe shilefulilako nga nshi. Baibolo ilanga ukuti Kabumba wesu alabapoosako amano. [Belengeni Amalumbo 146:9.] Uyu Loleni! alelanga ifyo ifishinte fya mu Baibolo fingaafwa abafyashi abashimbe ukutunguluka mu kukusha abana babo.”