Ifya Kulanda Pali Bamagazini

Ulupungu lwa kwa Kalinda Feb 15

“Abantu abengi balacushiwa ku fintu fyabipa ificitilwa mwi shina lya mipepele. Bamo bamona kwati imipepele e ilenga amafya ya bantunse. Bushe mwalitalatontonkanyapo pali ici? [Lekeni basuke. Kabili belengeni Ukusokolola 18:24.] Uyu magazini alelondolola ifyo Baibolo yalandapo pali ici.”

Loleni Apr.-Jun.

“Twalishiba ukuti abantunse bonse bafuma ku bantu babili aba kubalilapo abo Lesa alengele. [Belengeni Amalumbo 104:24.] Abantu aba mishobo yalekanalekana, nga bali mu ncende iyo babelesha, balalanga ukushilimuka mu fyo bacita mu bumi bwabo. Bushe kuti mwatemwa ukwishiba fimo pa baPygmy? [Lekeni basuke.] Ici cipande cilemulanga ifintu fimo ifyo aba bantu bacita ne fyo mwingasambililako.”

Ulupungu lwa kwa Kalinda Mar 1

“Inshita imo Yesu Kristu bamwipwishe ati: ‘Lifunde nshi ilya ntanshi pali yonse?’ Moneni ifyo ayaswike. [Belengeni Marko 12:29, 30.] Bushe mwalishiba umo Yesu aloseshe? [Lekeni basuke.] Icipande cileti ‘Ifyo Tulanga Ukuti Twalitemwa Lesa’ cilelondolola ifyo aya mashiwi yaishibikwa sana yapilibula.”

Loleni Apr.-Jun.

“Abaice bamo tabafwaya ukwishibikilwa ku bafyashi babo. Lelo bafwaya ukuipangila ishina lyabo. Bushe naiwe waliyumfwapo ifyo? [Lekeni asuke.] Ukucila ukuipaatula ku bafyashi bobe, Baibolo ipanda amano ukuti abafyashi kuti bakwafwa nga nshi. [Belengeni Amapinda 23:22.] Ici cipande cilelanda pa baice bamo abaumfwilile uku kupanda amano ukwa mu Baibolo kabili nomba bakalamba abatunguluka.”