Ifya Kulanda Pali Bamagazini

Ulupungu lwa kwa Kalinda Feb. 15

“Bushe nga mwalikwete amaka ya kusala uwa kuteka icalo conse, muntu wa musango nshi mwingasala? [Lekeni basuke.] Ulu Ulupungu lwa kwa Kalinda lulelanda pa fyo Mesia, uo Lesa asala ukuteka icalo aba. Lulelondolola ne fyo abantu bakekala ilyo akalateka.” Belengeni Esaya 9:6, 7.

Loleni Jan.–Mar.

“Abakobekelana bamo tabafwaya kufusha ifya ukucita pa bwinga. Bambi na bo balafwaya ku bwinga bwabo kwaba abantu abengi ne fya kulya ifingi. Ifyo abaleupana balefwaya ubwinga bwabo ukuba bushe e fyacindama? [Lekeni basuke.] Iyi magazini yalamulanga ukuti te mulandu ne fyo ubwinga buli, ico Lesa ena afwaya fye ca kuti abaupana bekalilile mu cupo.” Belengeni Mateo 19:5.

Ulupungu lwa kwa Kalinda Mar. 1

“Abantu abengi balasumina ukutila tufwile ukutemwana, nga filya fine fye Yesu alandile muli ili lembo. [Belengeni Yohane 13:34, 35.] Lelo ni bani abakonka ifi Yesu afundile? [Lekeni basuke.] Iyi magazini iletweba ifyo twingeshiba Abena Kristu ba cine pali lelo.”

Loleni Jan.–Mar.

“Abantu abengi pali lelo balilwala icabipisha nelyo balilemana sana. Bamo balicetekela sana muli Lesa e lyo bambi tabamucetekela. Bushe kuti mwaishiba umulandu cabele fyo? [Lekeni basuke.] Muli iyi magazini muli ilyashi lya mulumendo umo uwakoseleshiwe ku bulayo bwa kwa Lesa ubwa kuti akafumyapo ulubembu ne fyabipa ififuma mu lubembu.” Belengeni Esaya 33:24.