Ifya Kulanda Pali Bamagazini

Ulupungu lwa kwa Kalinda Feb. 15

“Bamo batila abantu baleonaula isonde. Bushe mwalitontonkanyapo pali ci? [Lekeni basuke.] Moneni ubu bulayo ubusuma ubwaba apa. [Belengeni Ukusokolola 11:18.] Iyi magazini ilelanda ifishinka ifilanga ukuti ino planeti yali-ibela. Na kabili nailondolola ico Baibolo ilanda pe sonde, ifyo likaba ku ntanshi.”

Loleni! Jan.–Mar.

“Mu Baibolo mwaliba umulumbe wa mwana walubile uo pa numa ya kucula nga nshi abwelele ku bafyashi bakwe. Bushe mwalishiba ukuti ica musango yu kuti cacitika na muno nshiku? [Lekeni balandepo.] Moneni imibele isuma iyalengele ukuti abwele. [Belengeni Luka 15:18.] Iyi magazini ilelanda pa mulumendo umo uwapondekele abafyashi bakwe bakapepa ne calengele aalule imisango yakwe no kubwela na kabili.”

Ulupungu lwa kwa Kalinda Mar. 1

“Abantu abengi baishiba ukuti ifilonganino fya mapepo fyonse fipepa Lesa. Bushe cila muntu imipepele asala kuti yamuletelela nelyo bushe kuti yalenga ifintu ukumuwamina? [Lekeni basuke.] Moneni amashiwi ayo Baibolo yatweba ukukonka. [Belengeni 1 Yohane 4:1.] Iyi magazini ilelanda ifyo twingesha ifisambilisha aba mapepo ukumona nga fyafuma kuli Lesa. Na kabili ilelanda ifyo ifilonganino fya mapepo ifyapusanapusana fyatendeke.”

Loleni! Jan.–Mar.

“Lesa alitupeela ifintu ifingi ifisuma, fimo pali ifi tatwatala atufimonapo. Bushe imwe muletontonkanya ukuti impunda milimo nshi shingatubombela lelo? [Lekeni balandepo.] Iyi magazini ilelondolola ifyo impunda shibomba ukutampa fye na kale, ifyo abena kale baleshibomfya na muno nshiku ifyo bashibomfya sana ukusenda ifipe.” Belengeni Ukutendeka 22:3.