Ifya Kulanda Pali Bamagazini

Ulupungu lwa kwa Kalinda Feb. 1

“Bushe muletontonkanya ukuti cinshi cingacitika mu ndupwa nga ca kuti bakonka uku kufunda? [Belengeni Abena Efese 4:31. Lyena lekeni basuke.] Iyi magazini ilelanda pa fintu fimo fimo ifya mu Baibolo ifingaafwa ukupwisha amafya e lyo ilelanda na pa fya kuba ne nsansa mu cupo.” Balangeni icipande icitendekele pe bula 18.

Loleni Jan.–Mar.

“Bushe mulemona kwati inshiku tuleikalamo nashibipa ku bana ukucila ifyo cali kale? [Lekeni basuke.] Abantu abengi balanda ukuti tuleikala mu nshiku ishalondololwa pali ili lembo. [Belengeni 2 Timote 3:1-5.] Iyi magazini nailondolola ifyo abafyashi bengacingilila abana babo ku bantu abolungana no twana.”

Ulupungu lwa kwa Kalinda Mar. 1

“Kuti natemwa ukuumfwa ifyo muletontonkanya pali ili ilembo lyaishibikwa sana. [Belengeni Yohane 3:16.] Bushe mwalibala amutontonkanyapo ifyo imfwa ya muntu umo ingalenga ukuti abantu bambi babe no mweo wa muyayaya? [Lekeni basuke.] Iyi magazini nailondolola bwino bwino ifyo twingamwenamo mu mfwa ya kwa Yesu.”

Loleni Jan.–Mar.

“Abantu bamo batila umuntu nga afwa alaba umumi kumbi; e lyo bambi na bo batila umuntu nga afwa ninshi nacipwa nafwa. Bushe mutontonkanya ukuti mulingile ukutiina imfwa? [Lekeni basuke.] Umfweni ifyo Yobo alandile pa cali no kucitika nga afwa. [Belengeni Yobo 14:14, 15.] Iyi magazini nailondolola bwino bwino ifyo Baibolo ilanda pa cicitika ku muntu nga afwa.”