Ifya Kulanda Pali Bamagazini

Ulupungu lwa kwa Kalinda Jan. 1

“Bushe muletipo shani pali ifi balembele pano? [Belengeni Yakobo 3:2.] Ili lyashi lilelanda pa fyebo fimo ukufuma mu Baibolo ifingatwafwa pa kuti twilakalifya balupwa lwesu mu fyo tusosa.” Balangeni ilyashi ilili pe bula 10.

Loleni Jan.–Mar.

“Bushe muletontonkanya ukuti abana abanono bali abacingililwa nge fyo cali kale? [Lekeni basuke.] Abengi balisumina ukuti tuleikala mu nshiku isho ili lembo lyalandapo. [Belengeni 2 Timote 3:1-5.] Ino magazini ilelanda pa fintu fimo fimo ifingafwa abafyashi ukucingilila abana babo ku bantu abolungana na bana.”

Ulupungu lwa kwa Kalinda Feb. 1

“Bushe muletontonkanya ukuti, kuti twaba ne nsansa nangu ca kuti twaliba na mafya? [Lekeni basuke.] Ukubelenga pa fisuma ifikacitika ku ntanshi ifyo Baibolo yalandapo, kwalyafwa abengi. [Belengenipo ilembo limo ilyambwilwe nelyo ilyo bashambwile ilili mu cipande mulelandapo.] Baibolo yalilanda uko twafuma, umulandu twabela abomi, e lyo ne fisuma ifyaba ku ntanshi. Ifi e fyo ino magazini ilelandapo.”

Loleni Jan.–Mar.

“Bushe muletontonkanya icalo cikabala aciwama nangu cingati caba icakowela mpanga yonse?” [Lekeni basuke.] Moneni ifyo Kabumba we sonde atulaya pali ili lembo. [Belengeni Ukusokolola 21:5.] Muli ci cipande muli ifyebo ifilelanda pa fyo, ifyo tucita filanga ukuti na ifwe tulafwaya isonde ukube lya busaka nge fyo Lesa afwaya.