Ifya Kulanda Pali Bamagazini

Ulupungu lwa kwa Kalinda Jan. 15

“Ifwe bonse na bana besu tulafwaya ukwikala bwino, nomba abengi bamona kwati tabakwata maka ya kucite fyo. Bushe mulemona kwati twalikwata amaka pa fyo ubumi bwesu bukaba ku ntanshi? [Lekeni basuke.] Iyi magazini ilelanga ifyo Baibolo yalanda ukuti ifyo ubumi bwesu bukaba ku ntanshi cishintilila pa fyo tulecita, te kutila abantu tabakwata maka pa fyo ubumi bwabo bukaba ku ntanshi iyo.” Belengeni Amalango 30:19.

Loleni Jan.–Mar.

“Nga twalwala, ifwe bonse tulatemwa nga dokota aletulangulukilako. Nomba bushe muletontonkanya ukuti abalwele abengi balalangulukilako badokota? [Lekeni basuke.] Iyi magazini ilelanda pa bwafya badokota bakumanya ne cikacitika ku ntanshi ku ncito ya kundapa.” Belengeni Esaya 33:24.

Ulupungu lwa kwa Kalinda Feb. 1

“Bushe tamumfwa bubi nga mwamona abantu muno nshiku abaletitikishiwa no kucenwa pa mulandu wa lukakala? [Landeni pa cacitike ili line mu ncende ya ku mwenu, kabili lekeni balandepo.] Iyi magazini ilelondolola ifyo Lesa amona ubumi bwa muntu. Nailondolola ne fyo akatupokolola ku kucula ukwabako lelo.” Belengeni Amalumbo 72:12-14.

Loleni Jan.–Mar.

“Mu fyalo ifingi lelo umwaume e ufwaya umwanakashi wa kuupana nankwe. Nomba nangu abe mwaume nelyo mwanakashi wafwaya umubiye, finshi mutontonkanya ukuti e fyo umuntu afwile afwaya mu o alefwaya ukuupana nankwe? [Lekeni basuke, lyene belengeni Amapinda 20:11.] Iyi Loleni! ilelanda pa ufwile ukulanda ati alefwaya ukuupa—bushe mwaume nelyo mwanakashi?”