Ifya Kulanda Pali Bamagazini

Ulupungu lwa kwa Kalinda Jan. 15

“Pa mulandu wa kuti abantu abengi leelo tabafishapo amalayo, abengi cilabakosela ukucetekela uuli onse. Malayo ya kwa ani muletontonkanya twingacetekela? [Lekeni basuke. Lyene belengeni Yoshua 23:14.] Iyi magazini ilelanga ifyo twingacetekela amalayo ya kwa Lesa ayalembwa mu Baibolo.”

Loleni! Jan.–Mar.

“Ifwe bonse tufwaya ukumona abana besu ukuba aba nsansa mu bumi no kutunguluka. Cinshi muletontonkanya abana bakabila sana pa kucimfya amafya ya muli cino calo? [Lekeni basuke. Lyene belengeni Amapinda 22:6.] Iyi Loleni! ilelanda pa fyo abana bakabila ne fyo abafyashi bengabapayanishisha ifi fintu.”

Ulupungu lwa kwa Kalinda Feb 1

“Fwe bengi tulesha ukusakamana ubumi bwesu. Lelo, ukufwailisha kwa nomba kulanga ukuti bumupashi bwesu bulakuma ubumi bwesu. Bushe muletontonkanya ukuti ici ca cine? [Lekeni basuke. Lyene belengeni Mateo 5:3.] Ulu Ulupungu lwa kwa Kalinda lulelanda pa fyo twingakwata ifya ku mupashi ifyo tukabila.”

Loleni! Jan.–Mar.

“Mwi sonde lyonse caliseeka ukusanga balupwa balekansana pa lwa fisumino fya mipepele. Nangu ca kuti ukupepa kumbi takupwisha bulupwa, mwalasumina ukuti kwaliba ico Abena Kristu ba cine balingile ukwishiba ilyo bali na balupwa. [Lekeni balandepo, lyene belengeni Imilimo 5:29.] Iyi Loleni! ilelanga ukuti Abena Kristu ba cine tabafwile ukucita ifishileumfwana ne fyo basuminamo pa mulandu fye wa kufwaya ukutemuna bambi, nangu ni balupwa bene.”