Ifya Kulanda Pali Bamagazini

Ulupungu lwa kwa Kalinda Jan. 15

“Nga twamona abantu ubwingi baipayaulwa, bushe muletontonkanya ukuti ububi bwalicimfya ubusuma? [Lekeni basuke.] Moneni ifyo Baibolo ilanda pali Lesa. [Belengeni Amalumbo 83:18b.] Apo Lesa E Wapulamo pano isonde, bushe cine cine ububi kuti bwacimfya? [Lekeni basuke.] Ino magazini ya Ulupungu lwa kwa Kalinda ileasuka bwino ico cipusho.”

Loleni! Jan.–Mar.

“Ndakai cilemoneka ukuti impendwa ya ndupwa shaba na bafyashi abashimbe ilekulilako. Bushe muletontonkanya ukuti ishi ndupwa kuti shasubila ifintu ukuba bwino? [Lekeni basuke.] Baibolo ilanga ukuti Kalenga wesu alabalanguluka. [Belengeni Amalumbo 146:9.] Iyi Loleni! ilelanga ifyo ifishinte fya mafunde ya Baibolo fingaafwa abafyashi abashimbe ukukusha abana babo bwino.”

Ulupungu lwa kwa Kalinda Feb. 1

“Shino nshiku abantu abengi balasakamikwa pa lwa kubulwa incito, kabili bambi baba na mafya yakalamba pa ncito. Bushe muletontonkanya ukuti umuntu kuti aba uwa nsansa kabili uwacingililwa pa ncito? [Lekeni basuke. Lyene belengeni Esaya 65:21-23.] Ulu Ulupungu lwa kwa Kalinda lulelanda pa nshita lintu bonse bakasekelela mu ncito.”

Loleni! Jan.–Mar.

“Ukusesema kwa mu Baibolo kulanga ukuti inshita ileisa ilyo takwakabe uukalanda ati ‘Nindwala.’ [Belengeni Esaya 33:24.] Bushe ico te kuti ciwame? [Lekeni basuke.] Nangu cibe fyo, ndakai abantu balitebelelwa na malwele ayengi, pamo ne cikuko ca AIDS. Ino Loleni! ileasuka icipusho cileti, bushe AIDS ikacincintilwa?”