Ifya Kulanda Pali Bamagazini

Ulupungu lwa kwa Kalinda Jan. 15

“Bushe mutontonkanya ukuti ni kwi abaupana bengapandwa amano pa kuti icupo cabo cileba ica nsansa? [Lekeni basuke.] Moneni pano uwatendeke icupo. [Belengeni Ukutendeka 2:22.] Lesa na kabili alipeele umulume no mukashi ifyebo baali no kulakonka cila muntu. Iyi magazini e fyo ilelondolola.”

Loleni Jan.–Mar.

“Bushe nani mwingasala ukuti e muntu wakulisha uwabalile abako uwa mweo? [Lekeni basuke.] Abengi batila Yesu e muntu wakulisha. Moneni ifyo akacita pano calo ilyo akaba Kateka wa Bufumu ubwa kwa Lesa. [Balangeni icikope cili pa mabula 8 na 9, kabili belengeni ilembo limo pali yalya ayalipo.] Iyi magazini ilelanda ifyo Yesu akacite fi ne nshita akacite fyo.”

Ulupungu lwa kwa Kalinda Feb. 1

“Bushe muletontonkanya ukuti imikalile kuti yaba shani nga ca kutila bonse tulekonka aya mashiwi? [Belengeni Abena Efese 4:25. Lyena lekeni basuke.] Abantu abengi batontonkanya ukuti ubufi inshita shimo busuma. Iyi magazini ilelondolola umulandu cawamina ukulanda icine lyonse.”

Loleni Jan.–Mar.

“Ifwe bonse inshita imo twalibapo no bulanda lintu umuntu uo twatemenwe afwile. Bamo tabaishiba bwino nga ca kutila abafwa balacula atemwa tapaba icibasakamika, kabili nga kwaliba ifyo twingacita pa kuti tubafwe. Bushe mwalitontonkanyapo ifyo? [Lekeni basuke. Lyena belengeni Lukala Milandu 9:5.] Iyi magazini ilelondolola ifyo abafwa baba.”