Ifya Kulanda Pali Bamagazini

Ulupungu lwa kwa Kalinda Feb. 15

“Limo limo, tulomfwa uko bashimika ukuti kwalicitika icipesha amano. [Landenipo cimo.] Abantu bamo balasumina ukuti fya cine. Bambi na bo balatwishika. Ino Magazini ilelanda pa fipesha amano ifyalembwa mu Baibolo nga ca kuti mu cine cine fyalicitike kabili ilelanda na pali ino nshita nga ca kuti ifi fipesha amano filacitika.” Belengeni Yeremia 32:21.

Loleni Jan.–Mar.

“Ku kale, Lesa aebele abana ukucindika banyinabo na bashibo. [Belengeni Ukufuma 20:12.] Bushe batini abafyashi abanakashi balabacindika nge fyo cifwile ukuba? [Lekeni basuke.] Ino magazini ilelanda pa bwafya bwalekanalekana ubo abafyashi abanakashi mu fyalo ifingi baleshingwana na bo ne fyo balebupwisha.”

Ulupungu lwa kwa Kalinda Mar. 1

“Bushe batini isonde kuti lyawama nga ca kutila abantu bonse bakonkele uku kufunda? [Belengeni Abena Roma 12:17, 18. Lyene lekeni basuke.] Ku ca bulanda limo limo abantu tabomfwana. Ino magazini ilelanda pa fyo ukukonka ukufunda kwa mu Baibolo kwingatwafwa ukupwisha ubu bwafya ne fyo twingaba aba mutende na bantu bambi.”

Loleni Jan.–Mar.

“Imisepela imo e lyo fye na bakalamba bamo balafilwa ukucita icalungama ilyo bali na banabo abengabakanya ukucite co. Bushe na imwe ica musango yu calimucitikilapo? [Lekeni basuke.] Mu Baibolo tusangamo amashiwi ayengatwafwa ukukanaitalusha kuli Lesa. [Belengeni Amalumbo 33:18.] Cino cipande cilelanda pa muntu umukalamba uwakonkele aya mashiwi no kutunguluka.”