Ifya Kulanda Pali Bamagazini

Ulupungu lwa kwa Kalinda Aug. 15

“Bushe mutontonkanya ukuti ni ani uwapulamo uo tulingile ukubela bucishinka? [Lekeni basuke.] Ici cipande cilekomaila pa kuba na bucishinka kuli Lesa wa cine. [Kupukuleni pe bula 5, kabili belengeniko na 2 Samwele 22:26.] Bushe mwalishiba ukuti bucishinka kuli Lesa kuti bwalenga abantu ukukanacita ifintu fyabipa kuli bambi? Ninjishiba muleipakisha ukubelenga ili lyashi.”

Loleni! Jul.—Sep.

“Abengi ilelo balesha imipepele yateyanishiwa no kwamba ukupepa Lesa mu nshila yabo. Bushe mutontonkanyapo shani pali uyu musango? [Lekeni basuke.] Baibolo ilanga ukuti Lesa alyangwako sana ku fyo tupepa wene. [Belengeni Yohane 4:24.] Uyu Loleni! alelanda pa nshila yawamisha iyo mwingakwatilamo ifya ku mupashi mukabila.”

Ulupungu lwa kwa Kalinda Sept. 1

“Bushe mwalimona ukuti mu ncende ishingi abena mupalamano tabaishibana nga fintu cali kale? [Lekeni basuke.] Yesu alandile icishinte cacindama pa kuba umwina mupalamano musuma. [Belengeni Mateo 7:12.] Ifi fipande filelanga ifyo twingaba abena mupalamano basuma kabili filekoselesha na bambi ukucita cimo cine.”

Loleni! Jul.—Sep.

“Tulapapa ico pa ng’anda imo ine kuti paba abakalamba abali no bumi busuma na bana abashilya ifyakumanina. Te mulandu ne cilenga, bushe te kuti mutemwe ukwishiba ifyo Baibolo yalanda pa fya kulya ne fyo mwingaipakisha? [Lekeni basuke kabili belengeni Lukala Milandu 9:7.] Uyu magazini alelanda pali ifi fine fishinka.”