Ifya Kulanda Pali Bamagazini

Ulupungu lwa kwa kalinda July 15

“Abantu abengi balemona uko abantu baleitalusha ku bantu bambi. Bushe muleti cisuma ukucite fi? [Lekeni basuke.] Moneni amashiwi ya mano pa busuma bwa kukwata ifibusa. [Belengeni Lukala Milandu 4:9, 10.] Iyi magazini ilelanda pa mulandu ifwe bonse tukabila abantu banensu ne fyo mwingapwisha ubwafya bwa kuitalusha.”

Loleni! July-Sept.

“Fwe bengi twalishibapo bamo abalwala ubulwele bwa shuga. Finshi mwaishibapo pali ubu bulwele? [Balangeni inkupo ya magazini, kabili lekeni balandepo.] Uyu magazini alelanda pa filenga ubulwele bwa shuga ne fyo mwingekala na bo. Kabili ilelanda na pa bulayo bwaba mu Baibolo pa cikapwisha amalwele fye yonse.” Sondweleleni no kubelenga ilembo lya kwa Esaya 33:24.

Ulupungu lwa kwa Kalinda Aug. 1

“Bushe mwalishiba ukuti ukulingana ne fyalanda lipoti imo, ukucila pali hafu wa bantu ababa pe sonde lyonse bapiina nakalya nakalya? Bushe muleti ubupiina kuti bwapwa shani? [Lekeni basuke.] Ulu Ulupungu lwa kwa Kalinda lulelanda pa cikapwisha ubupiina icalandwa mu Baibolo.”—Belengeni Amalumbo 72:12, 13, 16.

Loleni! July-Sept.

“Tuleikala mu calo umo abana bashilelelwa bwino nelyo ukubalenga ukucita ifya bukalamba. E ico ni kwi abantu bafwile ukuya pa kusambilila ifya kucita pa kulela bwino abana? [Lekeni basuke.] Moneni ifyo Baibolo ilanda pa kwatula ulupwa. [Belengeni Ukutendeka 1:27,28.] Apo Yehova Lesa e watendeke ulupwa, kanshi icebo cakwe icapuutwamo e co twingayako ku butungulushi pa kukusha abana. Uyu magazini wa Loleni! aletwafwa ifya kukusha abana.”