Ifya Kulanda Pali Bamagazini

Ulupungu lwa kwa Kalinda Jan. Oct. 15

“Ifyo tupingula pa fintu ilingi line filakuma ubumi bwesu icine cine. Cinshi cingatwafwa ukukanapingula ifyabulamo amano? [Lekeni basuke. Lyene belengeni Amapinda 3:6.] Muli ulu Ulupungu lwa kwa Kalinda muli ifintu fisano ifya mu Baibolo ifingatwafwa ukupingula ifya mano.”

Loleni! Oct.-Dec.

“Tulapapa ifyo inama shilanshanya. Lelo bushe mwalishiba ukuti kwaba inshila shimo ishaibela nga nshi isho abantu balanshanishishamo? [Lekeni basuke. Lyene belengeni Amalumbo 65:2.] Ukupusana ne nama, fwe bantunse tufwaisha ukulanshanya na Lesa. Iyi magazini ilelanda pa fyo twingomfwana bwino na bantu banensu e lyo na Lesa.”

Ulupungu lwa kwa Kalinda Jan. Nov. 1

“Ifwe bonse twalilengwapo insoni ku bantu twatetekela. Bushe mwalitala amuipusha ukuti, ‘Bushe kwaliba umuntu ningatetekela?’ [Lekeni basuke. Lyene belengeni Amapinda 3:5.] Iyi magazini ilondolwele umulandu twingatetekela Lesa. Nailondolola bwino bwino ne fyo twingeshiba aba kutetekela.”

Loleni! Oct.-Dec.

“Abantu abengi baletiina imisoka ya bukatu iya lufyengo iilecitika. [Landeni pa misoka yaishibikwa mu bwikashi, kabili lekeni bankuleko.] Iyi magazini ilelanda pa milandu imo imisoka ya bukatu icitikila. Ilelondolola ne fyo Lesa akapwishishisha umuku wa limo imisoka no lukakala.” Belengeni Amalumbo 37:10, 11.