Ifya Kulanda Pali Bamagazini

Ulupungu lwa kwa Kalinda Oct. 1

“Abantu abengi batila ukusambilila kulalenga umuntu ukwikala bwino pa calo. Bushe batini kwaliba amasambililo ayengaafwa umuntu ukuba umusuma no kwishiba ifya kucita nga ali na mafya? [Lekeni basuke. Lyene belengeni Abena Roma 12:2.] Uyu magazini alelanda pa busuma twingasanga mu masambililo yacindamisha.”

Loleni Oct.–Dec.

“Abantu abengi pali lelo tabaishiba umwalola ishiwi lya kuti ‘Armagedone.’ Bushe batini tufwile ukutiina Armagedone yalandwapo mu Baibolo? [Lekeni basuke.] Iyi Loleni! ilelondolola umwalola ishiwi lya kuti Armagedone ne fyo tufwile ukucita pa kuti tukapusuke ilyo ikesa.” Belengeni Sefania 2:2, 3.

Ulupungu lwa kwa Kalinda Nov. 1

“Abantu abengi balomfwa ububi pa kapatulula kaba muno calo. Bushe batini kuli uwingaalula ifintu muno calo? [Lekeni basuke.] Uyu magazini alelanda pa filenga ifintu mu calo ukukanaba bwino. Kabili iletulanga no ukaalula ifintu ne fyo akacita pa kuti akalete icalo ca mutende wa cine no mutelelwe.” Belengeni Amalumbo 72:12-14.

Loleni Oct.–Dec.

“Muli cino calo umo abengi bafwayafwaya incito, ukubulwe ncito bwafya ubukalamba. Uyu magazini alelanda pa fintu fisano ifingafwa umuntu ukusanga incito. [Landeni pa tumitwe tuli mu filembo fyatikama mu cipande cileti “Ifintu Fisano Ifingamwafwa Ukusanga Incito.”] Kabili uyu magazini aletulanga bwino sana ifyo twingasunga incito.” Belengeni ilembo lya Amapinda 22:29, ilili pe bula 10.