Ifya Kulanda Pali Bamagazini

Ulupungu lwa kwa Kalinda Oct. 15

“Bushe kuti mwalondolola shani ku bana nelyo kuli bambi umulandu ifyabipa ifingi ficitikila ilelo? [Lekeni basuke.] Baibolo ilasuka icipusho ca kuti ‘Nani Alenga Ububi Bonse?’ [Belengeni 1 Yohane 5:19.] Ulu Ulupungu lwa kwa Kalinda lulemwafwa ukumfwikisha ifyaba uyu mubifi ne fyo twingamukaana.”

Loleni! Oct.-Dec.

“Baibolo yalisobele ukuti kukaba inshita shayafya mu nshiku sha kulekelesha. [Belengeni 2 Timote 3:1, 3.] Mu calo conse, ukufula kwa bumpulamafunde kuli bushininkisho bwa ici. Ala ifintu kuti fyacilapo ukubipa nga ca kuti takwali bakapokola! Uyu Loleni! alelanda pa mafya ayo bakapokola bashingwana na yo mu calo conse.”

Ulupungu lwa kwa Kalinda Nov. 1

“Abengi pali ifwe balesha ukuba aba mutende kuli bambi. Lelo nalimo kuti mwasumina ukuti ilingi line calyafya ukucite fyo. [Lekeni basuke.] Baibolo yalilondolola umulandu cabela ifi. [Belengeni Yakobo 3:2.] Ici cipande cilelanga ifyo ukulomba ubwelelo kwingafwa ukuleta umutende.”

Loleni! Oct.-Dec.

“Twikala mu calo umo abantu abengi bapoosa sana inshita ku kuiwamya pa kuti balemoneka bwino. Cinshi cikabilwa pa kutemwikwa sana kuli bambi? [Lekeni basuke.] Baibolo yalilumbula ifintu fyacindama sana ukucila imimonekele. [Belengeni 1 Petro 3:3, 4] Mwalaishibilapo na fimbi muli uyu magazini.”