Ifya Kulanda Pali Bamagazini

Ulupungu Kalinda Oct. 15

“Finshi fifwaikwa pa kuti icalo ciwame na bantu babe ne nsansa? [Lekeni asuke.] Umuntunse alyesha ukuletako imitekele yalekanalekana pa kuti engawamya ifintu. Lelo moneni ifyo Lesa alandapo. [Belengeni Yeremia 10:23.] Uyu magazini alesokolola ‘Icingaleta Insansa mu Calo,’ aletulanga ne fyo cikacitika nomba line.”

Loleni! Nov. 8

“Bushe mwalishiba ukuti abantu lelo balemoneka ukuba abatitikishiwa mu mikalile ukucila kale? [Lekeni asuke.] Baibolo yalisobele ici. [Belengeni 2 Timote 3:1.] Abantu abengi imikalile yalibafya ica kuti bafwaya fye no kufwa. Uyu magazini alepeela inkosho. Aletulanga ifya kuba ne subilo no kufwaya ukuba no bumi.”

Ulupungu Kalinda Nov. 1

Pa numa ya kulumbula ilyashi lyabipa ilyalandilwe pa mulabasa, ipusheni ati: “Mulandu nshi abantu bacitila ifintu fyabipa umusango yu? Bonse tufwile ukwishiba ukupatulula ubusuma ku bubi, lelo abantu na nomba line balacita ifibi. Mulandu nshi? [Pa numa ya kwasuka, belengeni Ukusokolola 12:9.] Uyu magazini alelondolola ifyo twingaicingilila pa kubaka kampingu wesu.”

Loleni! Nov. 8

“Nalimo mulesumina ukuti tuleikala mu nshita ya lukaakala. [Pa numa ya kwasuka, belengeni 2 Timote 3:3.] Ilingi line ukusanswa ‘kwabipisha’ kulacitika na mu ndupwa. Uyu magazini uleti, ‘Ubwafwilisho ku Banakashi Abapumwa,’ nakwata ubukombe bwa kupeela isubilo. Nalimo mwalishibako bamo abo mwingebako.”