Ifya Kulanda Pali Bamagazini

Ulupungu lwa kwa Kalinda Oct. 15

“Apo Lesa aba mu muulu, bamo batila te kuti tumwishibe. Bushe na imwe e fyo mutontonkanya? [Lekeni basuke. Lyena belengeni Yohane 17:3.] Iyi magazini ilelondolola ifyo twingeshiba Lesa.”

Loleni Oct–Dec.

“Fwe bengi twalimona no kumfwa uko abantu babwekeshapo ukucita imilandu pa numa ya kufuma mu cifungo. Bushe mwalishiba icingalula bwino bwino aba bantu? [Lekeni balandepo.] Iyi magazini ilelanda pa mulumendo umo uo Icebo ca kwa Lesa cayalwile ica kuti nomba aba ne misango isuma no kuba ne nsansa.” Belengeni AbaHebere 4:12.

Ulupungu lwa kwa Kalinda Nov. 1

“Muno nshiku kwaba impanda mano ishingi ishilanda pa fya kucita pa kukusha abana. Bushe kwaliba uko abafyashi bengapandwa amano yene yene pa kukusha abana babo? [Lekeni basuke. Kabili belengeni Amalumbo 32:8.] Iyi magazini ilelanda pa nshila shaba mu Baibolo ishingatwafwa ukukusha bwino abana.”

Loleni Oct–Dec.

“Bonse fye tulafwaya ukundapwa bwino. Bushe mwalishiba ukuti badokota abengi nomba balashimunuka ukundapa abantu ukubomfya umulopa? [Lekeni basuke.] Iyi magazini ilelondolola umulandu bashifwaila sana ukubomfya umulopa pa kundapa. Na kabili nailanda na pa fishinte fya mu Baibolo ifilangilila umulandu Lesa amwena umulopa ukuti walicindama.” Belengeni Ubwina Lebi 17:11.