Ifya Kucinkulako pa lwa Cibukisho

Uno mwaka, Icibukisho cikaba pa Mulungu, pa April 4. Baeluda bafwile ukusakamana ifyakonkapo:

◼ Pa kusala inshita ya kulongana, shininkisheni ukuti tamwakapishemo ifimpashanya ilyo akasuba kashilawa.

◼ Bonse fye, na kalanda kumo, bafwile ukwebwa inshita ya kutendeka Icibukisho na kuntu cikabela.

◼ Umukate uushatutumuka na waini yalinga ukubomfiwa fifwile ukupekanishiwa.—Moneni Ulupungu lwa kwa Kalinda ulwa February 15, 2003, amabula 14-15.

◼ Imbale, amatambula, itebulo lyayana ne nsalu fifwile ukutwalwa ukukabela icibukisho no kupekanishiwa ilyo inshita ishilafika.

◼ Ing’anda ya Bufumu nelyo icikuulwa mulebomfya cifwile ukuwamishiwa kabela bwino bwino.

◼ Bakapyunga na ba kupishamo ifimpashanya bafwile ukusalwa no kubebela kabela umulimo wabo ne fya kucita, no mulandu balingile ukufwala ifya mucinshi no kusakula bwino.

◼ Kufwile ukuba ukupekanya kwa kutwalila onse uwasubwa umulwele uwafilwa ukusangwako.

◼ Nga ifilonganino ifyafulilako filebomfya Ing’anda ya Bufumu imo ine, mufwile ukumfwana bwino bwino pa kuti takuli ukufulisha kwa bantu pa mwinshi, umwa kupita, no mwa kwimika bamotoka.