Ifya Kwibukisha pa lwa Cibukisho

Uno mwaka ukusefya Icibukisho kukabako pali Citatu, pa April 12. Baeluda bafwile ukubikako amano ku fyakonkapo.

◼ Ilyo mulepekanya inshita ya kulongana kwa Cibukisho, ibukisheni ukutila ifimpashanya tafyakapishiwemo mpaka akasuba kakawe.

◼ Mufwile ukweba bonse fye, pamo na kalanda inshita ya kutendeka ukusefya Icibukisho e lyo na kuntu cikabela.

◼ Mufwile ukupekanisha libela umukate uwabula icitutumushi na waini ilya ine ifwaikwa.​—Moneni Ulupungu lwa kwa Kalinda ulwa February 15, 2003, pa mabula 14-15.

◼ Mufwile ukupekanisha limo imbale, amatambula ne tebulo lyalinga e lyo ne nsalu ya pa tebulo.

◼ Mufwile ukuwamisha kabela Ing’anda ya Bufumu nelyo icifulo ico mulebomfya kabili mufwile ukuwamya bwino sana.

◼ Mufwile ukusalila limo bakapyunga na bakupishamo ifimpashanya, no kubebela kabela imilimo bakabomba ne fya kubomba e lyo na pa mifwalile ya mucinshi no kuipempenkanya.

◼ Mufwile ukupekanya ukuti uuli onse uwasubwa uwafilwa ukusangwa ku Cibukisho, akapeelwe ifimpashanya.

◼ Nga ca kutila ifilonganino fibili no kucilapo fibomfya Ing’anda ya Bufumu imo, pafwile ukuba ukumfwana pa kutila pa mwinshi, mu tushila na pa kwimika bamotoka tapafulile abantu.