Nonkelenimo Muli Vidio wa No Blood—Medicine Meets the Challenge

Bushe mwalishiba ifingi pa nshila shimbi isha kuundapa ukwabula ukubomfya umulopa? Bushe mwalishishiba inshila shimo isha kusengulwila ne fyo shibomba? Tambeni iyi vidio, kabili moneni nga kuti mwayasuka ifi ifipusho.—Icishibisho: Pa mulandu wa kuti imbali shimo shimo muli iyi vidio shilangisha umo batumbula no kulepula, abafyashi bafwile ukushilimuka ukumona nga kuti abana babo abaice batambako nelyo iyo.

(1) Mulandu nshi ukalamba Inte sha kwa Yehova bakaanina ukubikwamo umulopa, kabili ni pi muli Baibolo ici cishinte cisangwa? (2) Ukukuma ku kundapwa, finshi tufwaya? (3) Ni nsambu nshi umulwele onse akwata? (4) Mulandu nshi calingila kabili cabela ica mano ukukaana ukubikwamo umulopa? (5) Nga ca kuti umulopa wafulisha nga nshi wafuma, fintu nshi fibili ifyacindamisha badokota bakabila ukucita? (6) Bubi nshi ukukuma ku bumi ubwayampana no kubikwamo umulopa? (7) Fibombelo nshi badokota abasambilila ifya kulepula bakwata ifya kucefyako ukufuma kwa mulopa ilyo balebombela umuntu? (8) Finshi mwingafwaya ukwishiba ukukuma ku kubikwamo fimbi ifishilimo umulopa? (9) Bushe kuti kwaba ukulepula ukwakulisha kabili ukwayafya ukwabula ukubikwamo umulopa? (10) Badokota abengi balesumina ukucitila Inte sha kwa Yehova cinshi, kabili ni nshila nshi iya kundapilamo iilemoneka kwati kuti yalakonkwa ku balwele bonse?

Ukusumina ukuundapwa konse muli iyi vidio, kulingile ukuba kupingulapo kwa muntu pa lwakwe.—Moneni Ulupungu lwa kwa Kalinda ulwa June 15, 2004, amabu. 22-4, 29-31, na Ulupungu lwa kwa Kalinda ulwa October 15, 2000, amabu. 30-1.