Tantikileni Ulupwa Ifya Kucita

¹ Mu Lyashi lyakwe ilya pa Lupili, Yesu akoseleshe bakakutika wakwe ukuti: “Mulefwaya intanshi ubufumu no bulungami bwakwe.” (Mat. 6:33) Inshila isuma iingabomba bwino pa kutantika imilimo ya lupwa pa kuti ifya ku mupashi fibe pa ntanshi kulemba fintu mwatantika. Paatuleniko inshita iya kutantikila ulupwa lwenu ifya kucita cila mulungu, ukubomfya ukutantika ukushilembelwemo akantu pe bula 6 ilya cino ica mu kati. Aba mu lupwa bamo kuti pambi bafwaya ukusembulula apo balembele ifya kucita no kukakatika kuli uko kutantika. Bambi bena kuti bafwaya ukulemba fye mu mikululo iyine.

² Ukutantika ukulangililwe pe samba kuti kwamwafwa lintu mulelemba ukutantika kwenu. Mwalamona ukuti uku kutantika kuli fye pa milimo yacindama ine: (1) ukusangwa mu kulongana kwa cilonganino, (2) ukufumina mu mulimo wa mwi bala pamo ngo lupwa, (3) isambililo lya lupwa, na (4) ukubebeta ilembo lya bushiku. Ukubika ifi pa kutantika kwenu kuti kwamwafwa, ‘ukushininkishe ifyacilapo ukucindama.’ (Fil. 1:10) Imitubululo yalundwako pali ishi mbali shine ilesangwa pa mabula 4 na 5.

³ Ukutantika kwa lupwa takufwile ukupelela fye pali iyi milimo ine. Nga mupekanishisha ukulongana kumo pamo ngo lupwa, lembeni ico pa kutantika kwenu. Nga mubelengela Baibolo capamo pa numa ya kubebeta ilembo atemwa mucite co inshita imbi, na co cine lembeni. Nga ca kuti mulacitako fimo ifya kupembesula ulupwa, kuti mwafilundapo pa kutantika kwenu.

⁴ Lekeni ukutantika kwenu kulingane no kukabila ne mibele ya uli onse pa ng’anda. Limo limo moneni ifyo ukutantika kulebomba, nga kwabako ukukabila teululeni.

[Charti pe bula 3]

Ukulangilila Ifya Kulemba Ukutantika kwa Lupwa

Ulucelo Akasuba Icungulo

Umu. Ilembo lya Bushiku

Ilyashi lya Cintu-bwingi

ne Sambililo lya Ulupungu

Cim. Ilembo lya Bushiku Isambililo lya lupwa

Cib. Ilembo lya Bushiku Icilonganino

Isambililo lya Citabo

Cit. Ilembo lya Bushiku

Cin. Ilembo lya Bushiku Isukulu lya

Butumikishi no

Kulongana kwa Mulimo

Cis. Ilembo lya Bushiku

Cibe. Ilembo lya Bushiku

Ukushimikila ngo Lupwa

(Ubushiku bwa Magazizi)

[Charti pe bula 6]

Ukutantika kwa Lupwa

Ulucelo Akasuba Icungulo

Umu.

Cim.

Cib.

Cit.

Cin.

Cis.

Cibe.

..................................................................