Ifya Kulanda Pali Bamagazini

Ulupungu lwa kwa Kalinda Dec. 15

“Abantu abengi balapapa ifyo aba makwebo bapangilapo indalama ilyo kuba ukusefya Krisimasi no Mwaka upya. Bushe kuti mwatila imisefeshe ya Krisimasi no Mwaka upya fyalyaluka? [Lekeni basuke.] Uyu magazini alelanda pa fyo ificitwa pa Krisimasi na pa ntendekelo ya waka upya fyayaluka mu kupita kwa nshita. Ilelanda na pa fyo twingacindika Lesa na Kristu.” Belengeni Yohane 17:3.

Loleni Oct.–Dec.

“Abantu bamo balapepa Maria, nyina wa kwa Yesu pa mulandu wa kuti balafwaya ukumupeela umucinshi. Bushe mwalimona uo Baibolo itweba ukupepako? [Lekeni basuke. Lyene belengeni Luka 11:1, 2.] Uyu magazini alelondolola ico Baibolo ishasuminishisha ukupepa ku muntu umbi.”

Ulupungu lwa kwa Kalinda Jan. 1

“Abantunse kuti bacite cisuma, lelo ilingi line balacita ububi ubwa kapela makufi. Bushe mwalishiba icalenga? [Lekeni basuke.] Uyu magazini aletweba icasuko icisangwa muli Baibolo. Kabili alelanda na pa fyo ubusuma bukacimfya ububifi.” Belengeni Abena Roma 16:20.

Ulupungu lwa kwa Kalinda Jan. 1

“Bushe mwalitontonkayapo pa fyo icalo cikaba pa numa ya myaka 20 nelyo 30? [Lekeni basuke. Lyene belengeni Amalumbo 119:105.] Baibolo ilatweba ifya ku ntanshi pa kuti twaishiba ifyo ifintu fikaba. Uyu magazini alelanda pa kusesema ukulanga apo icalo cifikile e lyo ne co twingabela ne subilo lya kutila ku ntanshi ifintu fikawama.”