Awake! Yaibela Iyo Tukalashiila Abantu mu September
1 Abantu abengi balomfwa bwino ukukutika ku tuni nga tulelila e lyo no kumona uko akasuba kalewa. Lelo abengi tabasumina ukutila Shifwe wa mu muulu e wapanga ifi fintu. Nga twashiila abantu iyi Awake! yaibela, tukakwata ishuko lya kubashimikila ukuti Yehova e kabumba. (Esa. 40:28; 43:10) Awake! ya September, ikalanda sana pa mutwe wa kuti: “Is There a Creator?”
2 Mu Fifulo Tushimikila: Nga calinga, pekanyeni ukushimikila ku ng’anda ne ng’anda pamo ne cilonganino pa Cibelushi. Kuti mwashiila abantu iyi magazini yaibela ne nshiku shimbi mu kati ka mulungu. Bakafundisha, na bambi abafunda abantu bafwile bakaitemwa iyi magazini. E ico, kuti cawama mwapekanya bwino sana, ukutandalila aba bantu mu cifulo cenu.
3 Nga basekelela, sheni mwabepusha icipusho ico mukasuka nga mwabwelelako. Napamo kuti mwaipusha ico Kabumba wakwata ukutemwa alekela abantu ukucula. Lyena nga mwabwelelako, kuti mwayalanda pa cipandwa 1 nelyo icipandwa 11 mu citabo ca Baibolo Isambilisha. Nelyo kuti mwabepusha ifyo Kabumba afwaya isonde ukuba, no kuyalanshanya icipandwa 3 nga mwabwelelako.
4 Pa Sukulu: Nga uli mwana we sukulu, kuti wapeelako bakafundisha obe na bana be sukulu banobe uyu Awake! Ukubika fye magazini pa desiki yobe kuti kwalenga bambi ukukwipusha pa fyo twasumina. Ukucite fi kukalenga ukalelanda pa fili muli Awake ilyo ulelondolola ifyo wasumina lintu kuli ukulanshanya mu kalasi na lintu ulelemba amalyashi bakafundisha bamupeela ukulemba pa fintu fimo. Iyi magazine naikwata icipande citila “Young People Ask” icileti “How Can I Defend My Belief in Creation?,” icingakwafwa ukulondolola ifyo wasumina.
5 Yehova alingile ukucindikwa no kulumbanishiwa pa mulandu wa fintu ifyo abumba. (Ukus. 4:11) Kuti twacindika Kabumba wesu no kwafwa bambi ukucite fyo nga ca kutila twabikako amano ku kushalika Awake! ya September.