Branch Letter

Kuli Bakasabankanya ba Bufumu:

Twali-imwena ukuti abantu ba kwa Yehova tabatasha Lesa wabo pa kanwa fye lelo balamutasha ukupitila na mu milimo yabo. Uno mwaka mu April e muku wa kubalilapo twafikile ku mpendwa ya bakasabankanya 140, 203. Ukubombesha kwa bakabila ba Bufumu bonse kwalengele ukuti impendwa ya maawala, bamagazini, ne fipempu fya kubwelelamo ukuya pa muulu. Twalitemenwe nga nshi ukumona impendwa ipya iya masambililo ya Baibolo ayatungulwilwe 213, 420.

Tulatemwa nga nshi nga twamona bamunyina aba mu Lusaka balelongana ukulongana kwa muputule, ukwaibela no kwa citungu mu Cikuulwa ca Kulonganinamo. Icikuulwa icipya ca Kulonganinamo Ukulongana Kukalamba cilekuulwa ku Kitwe, kabili amapekanyo ya kukuula na cimbi ku Ndola yaleya pa ntanshi.

Pa mulandu ne fyo ifintu fyafishe mu calo, umutengo wa kukuula no kubomfya ifikuulwa lyonse uleya ulenininako fye. E ico ibumba litungulula ‘lyalipenda ishingapooswapo’ kabili batila ififulo ifya kulonganinapo fimbi tabakakuulepo Ifikuulwa fya Kulonganinamo, lelo bakafiwamyako fye epela. (Luka 14:28) Ico balefwaya kukwata ifikuulwa ifisuma lelo ifyanaka umutengo.

Tulatasha nga nshi uku kubombesha kwa kulundulula umulimo wa Bufumu! Tulepepa ukuti Yehova akatupaale pa kuti ifwe bonse tulesangula indalama kuli uyu mulimo mu calo cesu. (Amapi. 3:9, 10) Shi Yehova atwalilile ukupaala umulimo wesu pamo pa kuti ‘tulebomba ku kulumbanya ubukata bwakwe.’—Efes. 1:12.

Ni fwe bamunyinenwe,

Iofesi lya Musambo Ilya Zambia