Ifya Kulanda Pali Bamagazini

Ulupungu lwa kwa Kalinda Oct. 1

“Abasambilila sana balishiba ukuti umulimo wa mufyashi umwaume walicindama mu lupwa. Mutontonkanya ukuti cinshi cingalenga umufyashi umwaume ukuba umufyashi umusuma? [Lekeni basuke.] Yesu alilandilepo sana pa fyo ica kumwenako ca kwa Wishi camwafwile. [Belengeni Yohane 5:19.] Ici cipande cilelanda pa milimo 6 iyacindama iya mufyashi umwaume.” Balangeni icipande icitendekele pe bula 18.

Loleni Oct.–Dec.

“Abaupana balekwata sana amafya mu cupo, kabili ifyupo ifingi filepwa. Bushe muletontonkanya ukuti ukukonka uku kufunda kuti kwalenga abaupana ukuba ne nsansa? [Belengeni Amapinda 12:18. Kabili lekeni balandepo.] Iyi magazini ilelanda pa fishinte fya mu Baibolo ifingafwa abaupana ukukosha icupo cabo.”

Ulupungu lwa kwa Kalinda Nov. 1

“Abantu abengi balafilwa ukulondolola ifyo basuminamo ukuti Lesa wa kutemwa alalungulusha abantu mu mulilo wa pe. Nga imwe mutontonkanyapo shani? [Lekeni basuke.] Baibolo ukwabula no kupita mu mbali taisambilisha ukuti Lesa mubi nangu munkalwe. [Belengeni Esekiele 18:23.] Mwalaumfwikisha ifyo Amalembo yalandapo pali ili lyashi muli ino magazini.”

Loleni Oct.–Dec.

“Muno nshiku, ifingi ifyo abantu batamba filelanga ukuti abantu nabatemwa sana ukupepa imipashi. Bushe mutontonkanya ukuti ukupepa imipashi kwaliba fye bwino? [Lekeni basuke. Lyena belengeni Amalango 18:10-12.] Ici cipande cilelanda pa fyo Baibolo ilanda pa bubi bwaba mu kupepa imipashi.” Balangeni icipande icitendekele pe bula 10.