Bushe Namuipekanya Ukulaimbila Yehova pa Kulongana?

¹ Ilyo tulepekanya ukulongana pa kuti tukaye-asukapo, tufwile no kupituluka mu nyimbo sha kulumbanya Lesa isho tukayaimba. Tontonkanyeni pa nshila shakonkapo.

² Ishibeni Amashiwi ya Lwimbo: Ilembo apafumine ulwimbo e lyo na malembo yambi ayaba pa mpela ya lwimbo, yonse yalangilila Amalembo apo bafumishe amashiwi ya ulo lwimbo.

³ Pitulukenimo: Kuti muleshako inshita inono pa Mapepo ya Lupwa cila mulungu iya kupituluka muli ishi nyimbo shipya pa kuti mushishibe. Muleimbila pamo ne cilimba ilyo mulepituluka mu nyimbo sha kwimba pa kulongana kumo na kumo. Kuti mwaishiba inyimbo shipya na mashiwi ya shiko ilyo mulekutika ku nyimbo balisha isha mu citabo ca Imbileni Yehova—Inyimbo sha Mashiwi, Disc 1.

⁴ Bushe mukaba namuipekanya ukwimba inyimbo mu citabo ca Imbileni Yehova? Nga ca kuti muleshako inshita ya kusambilila no kwishiba ifyo inyimbo shilepilibula no kulapitulukamo, ninshi mukaba namuipekanya.