Ifingamwafwa Ukusambilila

Ifyo Mwingacita pa Kuti Mwishibe Sana Inyimbo Shesu

Ba Lorraine, aba ku U.S.A, batile: “Nga ca kuti ndeumfwa ububi, Yehova alansansamusha ukubomfya inyimbo ishaba pa JW Broadcasting^®.”

Ukufuma fye na kale, Abena Kristu balemba inyimbo sha kulumbanya Lesa. (Kol. 3:16) Nga ca kuti mwaishiba ishi nyimbo ku mutwe, kuti muleibukisha amashiwi yabamo na lintu mushikwete icitabo ca nyimbo, foni nelyo tabuleti. Esheniko ukucita ifyakonkapo ifingalenga mwaishiba ishi nyimbo bwino bwino.

• Belengeni amashiwi yali mu lwimbo pa kuti mwishibe umo yalolele. Nga ca kutila namwishiba umo cimo cilolele, tacafya ukucibukisha. Amashiwi ya nyimbo shesu, ukubikako ne nyimbo ishaibela ne sha bana e po yaba pa jw.org. Kuti mwaya apaba ati Impapulo, lyene apatila Inyimbo.

• Lembeni amashiwi yali mu lwimbo pe pepala. Ukucita ifi kuti kwalenga mwalaibukisha amashiwi yali mu lwimbo.—Amala. 17:18.

• Pitulukenimo mu kupongomoka. Belengeni amashiwi yali mu lwimbo nelyo ukwimba imiku iingi.

• Esheni mumone nga muleibukisha amashiwi. Esheni ukwibukisha amashiwi yali mu lwimbo ukwabula ukulolesha pe pepala, lyena moneni nga ca kutila kuti mwaibukisha amashiwi.