Mulelumbanya Yehova mu Nyimbo

Ilyo Paulo na Sila bali mu cifungo balelumbanya Yehova mu nyimbo. (Imil. 16:25) Ukwimba inyimbo kwalibafwile ukushipikisha. Na ifwe bene muno nshiku, inyimbo isho twimba nga tulelongana e lyo ne nyimbo sha mu JW Broadcasting shilatukoselesha kabili shilatwafwa ukutwalilila aba cishinka ilyo twaba na mafya. Na kabili ishi inyimbo, shilalenga abantu balumbanya Yehova. (Amalu. 28:7) Balatukoselesha ukusungilako amashiwi aya nyimbo shimo. Nga ca kuti tamwaeshapo ukucita ifi, ilyo muli pa mapepo ya lupwa kuti mulepituluka mu nyimbo shimo no kwishiba amashiwi yaba muli isho nyimbo.

TAMBENI VIDIO ITILA ABANA BALALUMBANYA YEHOVA MU LWIMBO, LYENA ASUKENI IFI FIPUSHO:

• 

  Bushe ukwimba inyimbo sha Bufumu kuti kwatwafwa shani?

• 

  Bushe ababombela ku Dipartimenti ibombela pa fya kukutikako na mavidio bacita shani pa kupekanya ulwimbo bakakopa?

• 

  Bushe abana ne ndupwa shabo baipekanya shani ilyo bashilaya mu kwimba ulwimbo bakakopa?

• 

  Ni nyimbo nshi isha Bufumu isho mwatemwa kabili mulandu nshi mwashitemenwa?