Ifya Kulanda pa Kushalika Magazini

Ulupungu lwa kwa Kalinda December 1

“Ino nshita abantu abengi balacita fimo ifyo abene batila e fyacitike ilyo Yesu afyelwe. Nomba moneni ifyo Baibolo yalandapo. [Belengeni Mateo 2:1, 11.] Bushe mwamona ubupusano bwaba pa fyo abantu bacita ne fyo Baibolo yalanda? [Lekeni basuke.] Ici cipande cilelondolola bwino bwino ifyacitike ilyo Yesu afyelwe.” Balangeni icipande icili pe bula 31.

Loleni! October–December

“Abantu abengi nga nshi cila nshita balashipikisha ifyo babacusha pa mulandu wa kupusana inkanda, icitundu balanda nelyo intambi shabo. Bushe batini fwe bantunse pali ifyo twingacita pali ubu bwafya? [Lekeni basuke.] Abengi balasumina ukuti aya mashiwi yaba mu Baibolo ya cine. [Belengeni Mateo 7:12.] Ici cipande cilelangilila ifyo twingalamona abantu bambi ne fyo tufwile ukucita kuli bena.”

Ulupungu lwa kwa Kalinda January 1

“Imipepele iingi ilalanda ifyapusanapusana pa fyo ilanda pa kunwa ubwalwa. Bushe batini Lesa omfwa shani nga ca kuti umuntu alenwa ubwalwa? [Lekeni basuke.] Nangu ca kuti Baibolo ilanda ukuti Yesu inshita imo alyalwile amenshi ukuba umwangashi, ilalanda na ya mashiwi. [Belengeni Amapinda 23:20a.] Iyi magazini ilelanga ifyo Baibolo yalandapo bwino pali ili lyashi.”

Loleni! October–December

“Abafwailisha ifishinka batila abantu ukucila pali 1,200,000 balafwa cila mwaka mu masanso ya pa musebo. Bushe batini umuntu uuli pa musebo kuti asambililako fimo kuli aya mashiwi ya mu Baibolo? [Belengeni Lukala Milandu 7:12. Lyena lekeni basuke.] Iyi magazini ilelanda pa ifyo umuntu engacita ukwabula na bambi ukumweba pa kuti eba mu bwafya ilyo ali pa musebo. Kabili ilelanga ne fyo amasanso yengacepa nga ca kuti motoka ili bwino.”