Ifya Kulanda pa Kushalika Magazini

Ulupungu lwa kwa Kalinda August 1

“Bushe batini muleti cinshi abantu bakabila pa kuti babe ne nsansa? [Lekeni basuke. Lyena belengeni Mateo 5:3.] Aya mashiwi yamo fye pa yo Yesu sosele ilyo alelanda pa fifwaikwa pa kuba ne nsansa. Ici cipande cilelanda pa fyo twingasambilila kuli Yesu pa fya kusanga insansa.” Balangeni ilyashi ilitendekele pe bula 16.

Loleni! July–September

“Amacalici ayengi yalalipilisha pa kubatisha abantu, pa kubofya, na lintu bali ne fililo. Bushe ici caliba fye bwino? [Lekeni basuke.] Moneni aya mashiwi Yesu aebele abasambi bakwe. [Belengeni Mateo 10:7, 8b.] Ici cipande cilelanga ifyo Baibolo ilanda pa kulipilisha abantu pa fya mapepo.” Balangeni ilyashi ilitendekele pe bula 22.

Ulupungu lwa kwa Kalinda September 1

Landenipo cimo ico balandile mu lyashi lya pa mulabasa icasakamike abekala calo. E lyo mutile: “Bushe mwalitontonkanyapo icilenga abantu ukucita ifyabipa ifya musango yu? [Lekeni basuke.] Baibolo ilatweba fimo ifitulenga ukucetekela ukuti ifintu fikawama. [Belengeni 2 Petro 3:13.] Iyi magazini ilelondolola ifyo Baibolo ilanda pa filenga ifyabipa ukucitika ne fyo Lesa nomba line ali no kupwisha ifyabipa.”

Loleni! July–September

“Pa mulandu wa kukanatontonkanya bwino abantu bamo maka maka abaice balitemwa ukutumfya nelyo ukuseka abalemana. Bushe batini abalemana bakatala ababa ne nsansa? [Lekeni basuke.] Ici cipande cilelanda pa bantu abengi ababa ne nsansa nangu ca kuti balilemana.” Belengeni Esaya 35:5, 6.