Ifya Kulanda pa Kushalika Magazini

Ulupungu lwa kwa Kalinda September 1

“Abantu limo balacita ifyabipa pa mulandu ne fyo bababepa uko bapepa. Bushe kuti mwatila cinshi cilenga balefilwa ukumona ukuti balababepa? [Lekeni basuke.] Moneni ifyo Baibolo yena itukoselesha. [Belengeni 1 Yohane 4:1.] Ici cipande cilelondolola umulandu cacindamina ukulinganya ifyo twasuminamo ku fyo Icebo ca kwa Lesa cisosa.” Balangeni ilyashi ilitendekele pe bula 9.

Loleni! July–September

Nga mwasangapo imisepela, kuti mwatila: “Abengi batila nga balaala no mwaume uo bashilaupana nankwe kuti calenga batemwana sana. Imwe muletipo shani? [Lekeni basuke.] Moneni ifisosa Baibolo ukuti e fingacitika nga aba bantu bakumana pamo. [Belengeni 1 Abena Korinti 6:18.] Muli iyi magazini muli amalyashi ayalelanga ukuti ifisosa ili lembo fya cine.”

Ulupungu lwa kwa Kalinda October 1

“Abantu aba mu macalici yonse balapepa. Bushe mwalisumina ukuti Lesa alomfwa no kwasuka aya mapepo? [Lekeni basuke.] Baibolo ilatukoselesha ukupepa. [Belengeni Abena Filipi 4:6, 7.] Iyi magazini ileasuka amepusho 7 ayo abantu abengi bepusha pe pepo.”

Loleni! July–September

Nga mwasangapo umwanakashi uwakwata abana, kuti mwatila: “Bushe mwalishiba ukuti Icebo ca kwa Lesa citila umweo wa mwanakashi uuli ne fumo e lyo no wa mwana wine mwi fumo walicindama? [Lekeni basuke. Lyena belengeni Ukufuma 21:22, 23.] Ici cipande cilelanda pa fyo umwanakashi uuli pa bukulu engacita pa kuti akesekwata umwana umutuntulu.”