Bomfyeni Impapulo Ishatulama

Ifilonganino ifingi fyalikwata impapulo sha kale ishatulama. Bushe te kuti mupokeko impapulo shimo no kushibika mu laibrare yenu? Kuti cawama ukukwatako ishi mpapulo ishapulintwa. Bushe mulesambilila Baibolo no musambi uulelunduluka? Lyena mukoselesheni ukukwatako ishi mpapulo sha kale pa kuti aleshibomfya. Kangalila we Sukulu alingile ukushininkisha ukuti mu laibrare ya mu Ng’anda ya Bufumu mwaliba ishi mpapulo shonse isha kale ishatulama pa cilonganino. Ishi mpapulo shalicindama na pali ino nshita. Mu nshita ya kuti impapulo shiletulama pa cilonganino, kuti cacilapo ukuwama nga tuleshibomfya.