Ifyo Twingalondolwela Umuntu pa fyo Twasumina pa Mwaka wa 1914

Baibolo itukoselesha ukuba “abaiteyanya ukwasuka” umuntu onse uwaipusha pa fyo twasuminamo, itweba no kuti tufwile ‘ukwasuka no mutima uwafuuka na katiina.’ (1 Pet. 3:15) Lelo kwena, tacayanguka ukulondolwela umuntu ifyebo fya mu Baibolo ifyumfwika ifyakosa ukumfwa, pamo nga ifyalenga twishibe ukuti Ubufumu bwa kwa Lesa bwatendeke ukuteka mu 1914. Pa kutwafwa ukulondolwela bwino abantu pali ili lyashi, kuli ifipande fibili ifyo balembele ifili no mutwe wa kuti, “2Ukulanshanya Ilyashi lya mu Baibolo—Ni Lilali Ubufumu bwa kwa Lesa Bwatendeke Ukuteka?” Ifi fipande fili mu Ulupungu lwa kwa Kalinda ulo tulepeela abantu mu mweshi wa October na November. Ilyo mulebelenga ifi fipande, mulemona ifyo Cameron, kasabankanya alelanshanya no muntu, kabili muletontonkanya na pa mepusho yakonkapo.

Bushe kasabankanya . . .

• acilanda shani pa kutasha Jon pa kuti batwalilile ukulanshanya?—Imil. 17:22.

• acilanga shani ukuti ali-icefya ilyo acilalondolola ifyo asumina?—Imil. 14:15.

Cinshi caciwamina filya kasabankanya . . .

• acilapituluka mu fyo balanshanya ilyo talalanda pa cishinka cimbi?

• acilaipusha amepusho no kulolelako pa kuti eshibe uo acilashimikilako nga naumfwa ifyo acilamulondolwela?

• ashacilandila ifyebo ifingi sana pa muku wa kubalilapo?—Yoh. 16:12.

Tuletasha Yehova, ‘Kasambilisha wesu Uwapulamo,’ uutusambilisha ifya kulondolwela abantu amasambililo ya mu Baibolo ayomfwika kwati yalikosa ukumfwa!—Esa. 30:20.