Mulandu Nshi Tulingile Ukulaiila Bwangu?

Nga twalongana naba bwananyina pa kuti tuye mu kushimikila, tulafwaya no kulanshanyako nabo. Na lyo line, ilyo twapwa fye ukulanshanya kwa kuya mu mulimo wa mwi bala, tufwile ukuya bwangu bwangu mu kushimikila. Umulimo wesu uwa kushimikila we pamfya. (2 Tim. 4:2) Nga tuleshingashinga, tatwakalekwata inshita iikalamba iya kushimikila. Na kuba, lilya line tulebomba na ba bwananyina mu mulimo wa kushimikila, tulaba ne nshita iikulu iya kulanda nabo no kukoseleshanya. Nga tuleya bwangu mu kushimikila ukwabula ukuwayawaya tulanga ukuti twaliba abacincila ilyo tulebombela Yehova no Mwana wakwe.—Rom. 12:11.