Mulebomfya Amaka ya Cebo ca kwa Lesa mu Mulimo

Nga ca kuti umuntu asumina ukuti tumushimikile, tufwile ukubomfya amaka ya Cebo ca kwa Lesa e kutila ukubelenga muli Baibolo ukwabula no kupoosa inshita. Ici cishinka e co bakomailepo pa kulongana kwaibela ukwaliko umwaka wapwile. Kangalila wa muputule alandile ilyashi ilyaleti, “Mulebomfya Amaka ya Cebo ca kwa Lesa mu Mulimo.” Bushe mulebukisha ifishinka twasambilile?

• Mulandu nshi Icebo ca kwa Yehova cabela na maka ukucila amashiwi twingalanda?—2 Tim. 3:16, 17.

• Bushe Baibolo ilenga shani twa-aluka mu fyo tuyumfwa pa fintu, ifyo tutontonkanya, ukuwamya imitima yesu, e lyo no kwaalula imibele yesu?—Moneni Ulupungu lwa kwa Kalinda, June 15, 2012, ibu. 27, para. 7.

• Nga twabelengela umuntu Baibolo ilyo tuleshimikila, finshi twingacita ifingafwa uyo muntu ukucindika Icebo ca kwa Lesa?—Moneni icitabo ca Nonkelenimo, ibu. 148, amapara. 3-4 na Ubutumikishi Bwesu Ubwa Bufumu, ubwa March 2013 ibu. 6, para. 8.

• Mulandu nshi cacindamina ukuti tulelondolola no kulanshanya amalembo tulebelenga, kabili kuti twacita shani ifyo?—Imil. 17:2, 3; moneni icitabo ca Nonkelenimo, ibu. 154, para. 4 ukufika kwi bu. 156, para. 5.