Ifyo Mwingasambilila ku Nyimbo Shaibela

Ni nyimbo nshi mwatemwa sana pa nyimbo shaibela? Mulandu nshi mwashitemenwa? Bushe mwalimona ukuti amavidio ya nyimbo yalanga ificitika mu mikalile yesu iya cila bushiku? Apo inyimbo bashilisha mu nshila shalekanalekana kabili shilalanda pa malyashi ayalekanalekana, bonse twalikwata ulwimbo ulo twatemwa. Na lyo line, ishi nyimbo te sha kuleseshamo fye icitendwe.

Cila lwimbo lwaibela mulaba amasambililo ayo twingabomfya mu bumi bwesu na mu mulimo wa kubila imbila nsuma. Inyimbo shimo shilanda pa kupokelela abeni, ukwikatana, ifibusa, ukushipa, ukutemwa, e lyo ne citetekelo. Shimbi shilanda pa kubwelela kuli Yehova, ukulaelela, ukulaba aba cishinka cila bushiku, e lyo no kulafwaya inshila na shimbi isha kubombelamo Yehova. Kwaliba no lwimbo lwaibela ululanda pa fyo tulingile ukulabomfya bwino foni. Finshi fimbi mwingasambililako ku nyimbo shaibela?

TAMBENI VIDIO YA LWIMBO ULUTILA PARADAISE ILI MUPEPI SANA, LYENA ASUKENI AMEPUSHO YAKONKAPO:

• Mapaalo nshi ayakaba ku ntanshi ayo abaupana abakalamba baletontonkanyapo?—Ukute. 12:3

• Finshi tulingile ukucita pa kuti tutetekele sana ukuti Yehova akafikilisha ifyo atulaya?

• Ni bani mulefwaisha ukwisamona nomba line mu paradaise?

• Bushe isubilo twakwata ilya kuti Ubufumu bwa kwa Lesa bukesafumyapo amafya, litwafwa shani ukushipikisha amafya tukwata pali nomba?—Rom. 8:25