Bushe Mwaliipekanya?

Ifintu pamo nga ifinkukuma, icikuuku ca mwela, umulilo wa mpanga, icilala, e lyo no kulokesha kwa mfula, filonaula sana ifintu kabili filepaya abantu abengi nga nshi. Bushe mwalipekanya ifyo mwingacita nga kwacitika ubusanso? Na kabili ukusansa kwa tupondo, ifimfulunganya, e lyo ne fikuko kuti fyacitika inshita iili yonse ukwabula ukwenekela. (Luk. Mil. 9:11) Tatulingile ukulatontonkanya ukuti ifya musango uyu te kuti ficitike ku cifulo twikala.

Bonse tufwile ukuipekanishisha libela ilyo kushilaba ubusanso. (Amapi. 22:3) Nangu ca kuti icilonganino ca kwa Yehova cilafwa abaponenwe no busanso, ici tacilepilibula ukuti tatulingile ukuipekanishisha libela.—Gal. 6:5

TAMBENI VIDIO ITILA BUSHE MWALIIPEKANYA KU BUSANSO UBWINGACITIKA? LYENA ASUKENI AMEPUSHO YAKONKAPO:

• 

  Bushe ukuba na bucibusa bwakosa na Yehova pali nomba kuti kwatwafwa shani ilyo kwaba ubusanso?

• 

  Mulandu nshi cacindamina . . .

  • • ukulalanshanya na baeluda ilyo kushilacitika ubusanso, ilyo kwacitika ubusanso, na pa numa ya busanso?

  • • ukufwaya icola umo twingabika ifyo twingakabila nga kwacitika ubusanso?—g17.5 ibu. 6

  • • ukulanshanishisha libela amasanso yengacitika e lyo ne fya kucita nga yacitika?

• 

  Fintu nshi fitatu ifyo twingacita pa kwafwa abaponenwe no busanso?