Muleipeelesha pa Kuti Mulebomfya Inshita Yenu na Amaka Yenu ku Kubombela Yehova

Nga fintu Esaya asobele, tulemona ifyo icilonganino ca kwa Yehova ica pe sonde cilekula ukucila ifyo calekula kale. (Esa. 54:2) Uyu e mulandu Amayanda ya Bufumu, Ifikuulwa fya Kulonganinamo Ukulongana Kukalamba, ne misambo filingile ukukuulilwapo. Pa numa ya makuule, balatwalilila ukuwamya ifileonaika kuli ifi fikuulwa e lyo mu kupita kwa nshita balawamyako ifikalamba sana ifyonaikeko. Kuti twacita shani pa kuti tuipeeleshe ukubomfya amaka yesu ne nshita yesu ku kubombela Yehova?

• Kuti tulesangwako ilyo ibumba lyesu lilewamya Ing’anda ya Bufumu

• Kuti tuleipeelesha ukusambililako ilyo balesambilisha ifya kuwamya ifileonaika ku mayanda yesu aya bufumu

• Kuti mwalembako Formu ya Balefwaya Ukubombako mu Local Design/Construction (DC-50) pa kuti muleyafwilishako ukuwamya ifileonaika e lyo na mu makuule ayali ku ncende mwikalila

• Kuti mwalembako Formu ya Kwipushishapo Umulimo wa Kuitemenwa (A-19), kabili kuti mwaipeelesha ukubombako pa mulungu umo nelyo ukucilapo pa musambo uwaba mu calo cenu nelyo uwaba mu calo cimbi

TAMBENI VIDIO ITILA AMAPEKANYO YA BUKULE UBUPYA YALITENDEKA—IYO BAIPIFYA, LYENA ASUKENI AMEPUSHO YAKONKAPO:

• Bushe ukutula mu 2014, ifyo tubomfya amavidio fyapusana shani ne fyo twaleyabomfya kale?

• Finshi balepekanya ifikalenga tukalekwata amavidio yonse ayo tukabila kabili tukapwa lilali ukukuula?

• Bushe bakabomba bakuitemenwa kuti bayafwako shani muli aya makuule?

• Nga mulefwaya ukuti mukabombeko ku makuule ayakabako ku Ramapo, mulandu nshi mulingiile ukulembela formu ya DC-50 no kula-afwako mu makuule ku ncende mwikala?

• Finshi filelanga ukuti Yehova aletungilila uyu mulimo?

• Kuti twatungilila shani ubu bukuule nangu kwaba ifingalenga twafilwa ukuyakuulako?