“Ukutemwa kwa kwa Kristu e kutucincisha.”—2 Kor. 5:14
IFYO FWE BENA KRISTU TULINGILE UKULAIKALA
Bushe Mukabombako Bupainiya bwa Kwafwilisha mu March Nelyo mu April?
Bushe kuti mwatemwa ukubomba sana mu mulimo wa kwa Yehova mu nshita ya Cibukisho? (2 Kor. 5:14, 15) Mu mweshi wa March no wa April, aba kabombako bupainiya bwa kwafwilisha bakasalapo ukubombako ama-awala 30 nelyo 50. Nga ca kutila kuti mwatemwa ukubombako, lembeni formu ya kulombelapo ukubombako bupainiya bwa kwafwilisha no kupeela Komiti ya Mulimo iya Cilonganino cenu. Cila mweshi abo basuminisha ukubombako bupainiya bwa kwafwilisha bakulababilisha mu cilonganino. Ici kuti calenga aba mu cilonganino balabatungilila mu mulimo wa kubila imbila nsuma. Kanshi bonse nga twabombesha muli iyi nshita ya Cibukisho, tukeshibilako ifya kubila imbila nsuma kabili tukalakoseleshanya.—1 Tes. 5:11.