Intendekelo

Mu calo mwaliba sana ulupato. Ifyo abantu bacita ku banabo pamo nga ukuba na kapaatulula, ukubacusha, ukubapontela nelyo ukubapuma filanga fye ukuti baliba no lupato. Ifipande ifili muli luno Ulupungu lwa kwa Kalinda fyalalenga twishibe ifyo Baibolo ingatwafwa ukupwisha ulupato. Na kabili fyalalanda na pa fyo Lesa atulaya ukuti akafumyapo ulupato umuyayaya.