Abantu Abengi Nga Nshi Balabapata
Ulupato lwaba fye mpanga yonse.
Abantu balalemba amalyashi pa Intaneti ayalangilila ukuti baliba sana no lupato. Tontonkanyeni pa fintu ubwingi ificitika ifilanga ukuti abantu balikwata akapatulula pamo nga, ukutiinya abanabo, ukubatuka insele e lyo no konaula ifipe fya buteko. Abantu abengi balibasuula kabili balibapata.
Ino magazini ilelanda pa fyo twingacita pa kuleka ukuba no lupato. Ifi kuti fyacitika, te fya kwelenganya fye. Pantu kwaliba abantu bamo mwi sonde lyonse ababombesha ukuleka ukuba no lupato.