Ifingamwafwa Ukusanga Ifyebo

Ifyo Mwingabomfya pa Kusambilisha Abana

Abafyashi balikwata umulimo uukalamba uwa kusambilisha abana babo pali Yehova. (Efes. 6:4) Icilonganino ca kwa Yehova calisabankanya ifipande ifingi, amavidio e lyo ne nyimbo ifyo abafyashi bengabomfya pa kusambilisha abana babo pali Yehova. Kuti mwabomfya shani ifi fipande, amavidio, e lyo ne nyimbo pa kusambilisha abana benu?

• Kabiyeni pa jw.org. Pa JW.ORG paliba fyonse ifyo bapekanishisha abaice pamo nga amavidio e lyo ne fyo abana bengalemba nelyo ukulenga.a Pa kuti musange ifi, lembeni ishiwi lya kuti “Abana” nelyo “Imisepela” mulya tufwaila ifyebo.

• Saleni ifyebo ifilingile umwana wenu. Pa cipande citila “Abana” paliba amavidio, inyimbo, e lyo ne fya kucita ifyo mwingasalapo ifyo mulemona ukutila kuti fya-afwa umwana wenu. Pa kuti musange ifi, kabiyeni apatila, “Family Worship Projects.”

• Mulekwata inshita ya kuba pamo na bana. Mwilaleka ukuti umwana aletamba fye amavidio nelyo ukulenga nangu ukulemba fimo pa kuti fye alekwata ifya kucita. Lelo mulelanshanya nankwe no kumwafwa ukukosha bucibusa bwakwe na Yehova.