Ni kwisa Mwingasanga Ifingamwafwa Ukusala Bwino Ifya Kucita Muno Nshiku?

Bushe kuti mwaishiba shani ukuti ifyo musalapo mukafuma ifisuma? Kuti mwacetekela shani ukuti ifyo abengi bamona ukuti fyaliba fye bwino pali ino inshita tabakalemona ukuti tafyaba bwino ku ntanshi?

Baibo kuti yalenga mwasala bwino ifya kucita ifyo mushingalanguluka. Kuti yamwafwa shani? Kabumba wesu e watupeela Baibo kabili alishiba ifingalenga twaba ne nsansa no kucingililwa.

‘Alitweba icisuma.’—Mika 6:8.

Kuti twacetekela ifyo Baibo itusambilisha. Pantu ifyabamo umuntu kuti aficetekela, kabili “fya muyayaya.”—Amalumbo 111:8.

Kuti mwasambilila mwe bene ifyo Baibo ingamwafwa muli cino calo icilealuka bwangu.