Muleafwa Abantu pa Kuti Mwilatalalilwa—Ifyo Baibo Yalandapo

Abantu mwi sonde balatalalilwa kabili bamona kwati teti babe ifibusa na bantu bambi. Bamo abasambilila sana pa bumi balanda ukuti ukwafwa bambi kuti kwalenga umuntu aleka ukutalalilwa.

• “Ukwafwa abalekabila ubwafwilisho kuti kwalenga ubumi bwesu bwawaminako kabili kuti kwalenga twaleka ukutalalilwa sana no kuleka ukumfwa ukuti te kuti tube ifibusa na bantu bambi.”—E fyalandile ba U.S. National Institutes of Health.

Baibo yalilandako fimo ifyo twingacita pa kwafwa abantu banensu. Ukucita ifyo Baibo yalanda kuti kwalenga twaleka ukutalalilwa.

Ifyo mwingacita

Muleba bakapekape. Mulecita ifingalenga muleba pamo na bantu bambi no kucitilako nabo ifintu pamo. Muleitemenwa ukupeelako bambi ifyo mukwete. Nga mulepeelako bambi ifyo mukwete bakalatasha, kabili ici cikalenga mukabe ifibusa.

• Ishinte lya mu Baibo: “Mulepeela, na imwe abantu bakulamupeela”—Luka 6:38.

Mulebomfya amaka yenu ukwafwako bambi. Mulefwayako inshila isho mwingabomfya pa kwafwako abali na mafya. Pa fyo mwingacita kuti paaba no kukutikisha ilyo balelanda nelyo ukubafwako ukubomba imilimo iingalenga icisendo cabangukilako.

• Ishinte lya mu Baibo: “Ukutemwa kwa kwa cibusa wa cishinka takupwa”—Amapinda 17:17, Baibo ya Amalembo ya Calo Cipya.

Nga mulefwaya ukwishibilapo na fimbi ifingamwafwa ukutwalilila ukuba ifibusa na bantu bambi, belengeni icipande citila “Ukulaumfwana Bwino na Balupwa ne Fibusa.”