Bushe Lesa Maka fye te Muntu?

Icasuko ca mu Baibolo

Lesa e wakwata sana amaka pano isonde na ku muulu. Baibolo ilanda pa fyo apangile intanda ishingi sana ati: “Lolesheni mu muulu no kumona. Nani uwalengele intanda ishi? Ni uyo uutungulula ibumba lya shiko mu mpendwa, shonse [Lesa] alashiita amashina. Pa mulandu wa kufula kwa bukose bwakwe, kabili aba na maka ayengi, tapabulila nangu lumo.”—Esaya 40:25, 26.

Lelo Lesa te maka fye. Baibolo itila muntu uwakwata ukutemwa kabili uwapata ifibi. (Amalumbo 11:5; Yohane 3:16) Ilanda no kuti ifyo abantu bacita filalenga akalipa nelyo asekelela.—Amalumbo 78:40, 41.